بغيتي شعر وواصل حتى الركبة و قوي وكثيف ايوا دخلي

الوصفة فيها شوية ديال تمارة ولكن راه 30 درهم تدي ليك عام كامل
المهم الخلطة فيها مرحلتين
المرجلة الاولى كندير بصلة حمرا وشويييية ديال الثومة حمرا غير شي نصف فرع حقاش الثومة حارة وصعيبة الى تستاعملات بافراط تقدر دير ليك التونية
المهم كنخلط الكل فخلاط كهربائي
ونشد زيف حياتي و نصفي فيه الخليط حتى يخرج لينا مااء هداك الماء هو الي كنحتفظ بيه فشي قرعة
من بعد كنوجدو الخلطة الثانية وهي الي فيها تمارة ولكن نتي خودي معاك 30 درهم وسيري عند العطار وعطيه الورقة وهو يحط ليك كولشي قدامك وكولها اعشاب طبيعية و معروفة مند القدم

انا خديت 2 دراهم من الحاجة
خزامى + زريعة الكتان +جنجلان+ حبة راس + حبة البركة + اليزير +الزعتر + الريحان + مريوة +الحرمل +قطران رقيق +الحلبة +القرنفل
ملاحظة القرنفل و حبة راس خديت منهم 5 دراهم
المهم كنحمر الزنجلان و زريعة الكتان وكنطحن كولشي و كنخلطهم و نديرهم فقرعة ماعدا القطران
المهم نجيو لطريقة الاستعمال
قبل منمشي الحمام بشي 8 سوايع هكاك
كنسرح شعري و كندلكو بماء البصل والثوم الي وجدنا في الاول و كنحرص على دهن الجذور و كنتسنى واحد ساعتين
وكناخد زلافة و نحط منها 3 معالق هكاك ديال الخليط الثاني ونضيف عليها ملعة صغيرة ديال القطران و نخلط بزيت العود و ندهن بيهم شعري مزيان و ندير البونية
ونتسنى 6 سوايع و نمشي الحمام و نغشل شعري مزيان
منين نرجع من الحمام ندهن شعري بزيت حبة البركة او زيت الزنجلان
بصراحة الوصفة صعيبة لا من ناحية الريحة و لا من ناحية تمارة و متقد عليها غير لالة مولاتي ولكن راه تستاهل كتحمق
كترد الشعر زوين و كيهبل باذن الله
ونتي كتغسلي او كتصايبي شعرك او عريتيه ديما قراي عليه من عيون الناس
ملاحظة
الوصفة كتستعمل فنفس النهار في الاسبوع مثلا درتي الوصفة السبت الاسبوع الجاي ديريها فنفس اليوم الي هو السبت وهكاك تولي ديريها كل سبت