خلطة مغربية لتطويل وتقوية الشعر وتمنع من تساقطه

البنات اليوم جبت ليكم الدواء ديال الشعر وهي وصفة فعالة وأنا كنستعملها مدة عام خصوصاً أن شعري كان عكز ومبقاش كيطوال وقلتها للناس اللي كنعرف .. إيوا نقولها ليكم.
1 درهم سانوج
3 دراهم لوز الحار
قبطة سواك حار
السنبل تكرميه وتطحنيه
ضرس صغير ثومة بقشرته
10دريال حرمل
1 درهم حب رشاد
= المواد كاملة تسخن في مقلة وتطحن مزان تتنيل إلا السواك كيتقسم طراف ويتطحن في مكينة العطرية كنخلطو كلشي مزيان ونقسموه حيت كيجي كتير ;كنسخنو زيت الزيتون مزيان وكنخويو فيها الخليط ونحكو التومة ونحركوه شوية حتى يطبخ ونخلوه يبرد ويدار في قرعة ونبداو ندهنو الشعر بالزيت وملي تبغي تمشي لحمام هزو من الخليط سخنية ودهني شعرك وبقاي 5ساعات أو أكتر وسيري لحمام =مثلا رابعة الزيت فيها 2معالق كبار الخلطة تقريبا وعاوتاني راك عارفة عينك ميزانك أنا كندير بلا عبار
=ممكن تزيدو زيت الخروع .زيت اللوز . زيت لافوكا تخلطوهم مع الزيت الزيتون )أنا مرة كنديرهم مرة لا )
ملحوضة مكن تشوفي شعرك كيطيح اليومين الأولين من إستعمال الدواء ولكن عادي هدوك غير الشعرات الضعاف بعد 2أسابيع تلاحضي الفرق.