أكورا بريس 4 معالق صغار زيت الكوك مذوب
2 معالق صغار بيكاربونات الصودا
2 معالق صغار نشا
5 حتى 10 نقط من الزيت الأساسي للحامض.
تخلطي كلشي و تخويه في ستيك قديم و نظيف. و تحطيه في الثلاجة حتى يجمد.
أنا ما عنديش زيت الأساسي ديال الحامض و عدلت في الوصفة.
إليكن وصفتي :
4 معالق صغار زيت الكوك مذوب , ضروري.
2 معالق صغار بيكاربونات الصودا ماشي ديال الحلوى : ضروري.
2 معالق صغار نشا : ضروري.
قطرات من الحامض لإزالة البكتيريا, فقط قطرات ما تكثروش معا كاين البيكاربونات, أولا بلاش لي بشرتها حساسة بزاف.
قطعة من المسك محكوك في الحكاكة الرقيقة.
زيت الورد أو قليل من ماء الورد لانسجام الخليط : إختياري.
زيت أساسي: إختياري . أنا درت زيت الشاي لأنه يزيل البكتيريا و لكن يمكن الإستغناء عنه.
و بيني و بينكم ما نبقاش نديرو ريحتو مجهدة طغات على ريحة المسك. حتى كنعرق عاد كطلع ريحة المسك. و بالفعل كيف قال لينا واحد البائع متخصص أن المسك كل ما سخن الحال عاد تايعطي الريحة. و تايصلح للبلدان الحارة.
كتخلطي كلشي مزيان حتى يذوب المسك. و تخويه في علبة أو ستيك قديم. و على فكرة البيكاربونات ما تاذوبش تاتبقا حرشة شوية, و لكن راها مهمة في الوصفة.
هاهو الخليط عملتو في علبة.
الإستعمال : بعد ما دوشي و تنشفي حطي شوية تحت الإبط. إيلا ما قدرتيش دوشي على الأقل غسلي الإبط بالما و الصابون و حطي شوية.
