أكورا بريس اليوم الحادكات جبت لكم صابونة فعالة في تبييض الوجه و تنقيته من الشوائب وآثار حب الشباب وعن تجربة شخصية مني
المكونات :
نصف صابونة بلا ريحة 3 ملاعق كبار نخالة ملعقة كبيرة نشا ملعقة كبيرة ماء الورد ماء غليان
الطريقة :
نحكو الصابون
نخويو عليه الما غليان ونخليوه يطلق 20د
من بعد نزلوه فوق عافية مهيلة و نزيدو عليه ملعقة كبيرة نشا ونحركو نالخف و غير يدفا عاود ونطفوي عليه
من بعد نضيفو النخالة و نحركو مزيان
من بعد نزيدو لو معلقة كبيرة ماء الورد ونحركو مليح
من بعد ناخدو بواطة ندهنوها بزويتة بلدية
ونكبو فيها الخليط ديالنا ونبسطوه مزييان
وندخلوه لفريڭو ساعة و نخرجوه نقلبوه من لبواطة
ونقطعوه طريفات لورجعوه للبواطة وندخلوه للثلاجة وقت مابغينا نغسلو وجهنا ناخضو طريف لي يكفانا لغسلة وحدة أنا تنقسم طرف على 2 وتنغسل بيه المرة لولة و نشف وجهي من بعد نحط الطرف ثاني على وجهي على شكل ماسك 5د من بعد بڭومي بيه وجهي ونغسلو وندهن بكريم مرطب ديالي نتمنى نكون فسرت مزيان
نتمنى نكون فدتكم حبيباتي ولو بالقليل ولي عجبها تطبيقي تدعي معايا الله يفرج عليا و يكمل رجايا أحبكن في الله غالياتي
